09/10/2013 07:52:27

Periudha më e mirë për vaksimin

Mjekët rekomandojnë vaksinën: virozat stinore, janë ndryshimet e menjëhershme të temperaturave, lagështia dhe ndotja e ambientit

TIRANË - Në kushtet e motit të paqëndrueshëm, të shoqëruar me ulje temperaturash dhe reshje shiu, mjekët këshillojnë qytetarët të tregojnë kujdes nga ndikimi në shëndet. Më të prekur nga virozat stinore, kryesisht nga infeksionet respiratore të sipërme dhe të poshtme, janë grupmoshat fëminore. Moti ditën e sotme u karakterizua nga reshje shiu dhe temperature që nuk i kaluan 24 gradët, ndërkohë që vlerat më të ulëta u regjistruan në Korçë dhe Dibër, 8 gradë celcius. Mjekët rekomandojnë tre hapa për t’u mbrojtur nga gripi stinor, vaksinimi, veprimet e përditëshme dhe përdorimi i saktë i barnave antivirale. Fundi i tetorit, është periudha më e mirë për aplikimin e vaksinës antigrip, e cila gjendet tashmë në rrjetin e farmacive në vend. Shkaqet e virozave stinore, sipas mjekëve, janë ndryshimet e menjëhershme të temperaturave, lagështia, ndotja e ambientit, të cilat shkaktojnë probleme në pjesën e sipërme të rrugëve të frymëmarrjes, në faring dhe laring. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin