08/10/2013 14:04:09

KQZ miraton disa projektvendime

Gjithcka per zgjedhjet e pjesshme te 3 nentorit

TIRANE- Komisioni Qendror i Zgjedhjeve në mbledhjen e ditës së sotme shqyrtoi dhe miratoi me 4 vota pro disa projektvendime për zgjedhjet e pjesshme që do të zhvillohen në datën 3 nëntor të këtij viti. Sipas zyrës së shtypit të këtij institucioni bëhet e ditur se "KQZ miratoi projektvendimin "Për miratimin e modeleve të dokumenteve që do të përdoren nga grupi i numërimit dhe komisioni i zonës së administrimit zgjedhor për nxjerrjen e rezultateve të zgjedhjeve, si dhe projektvendimin "Për miratimin e modelit të fletës së votimit për zgjedhjet e pjesshme për kryetar".

"KQZ miratoi gjithashtu projektvendimin "Për hedhjen e shortit për shqyrtimin e kërkesës ankimore nr.43, me objekt kundërshtimin ei vendimit të KZAZ-së nr.71, për regjistrimin e kandidates për kryetar bashkie të propozuar nga subjekti zgjedhor FRD", për zgjedhjet e pjesshme për kryetar të bashkisë Korçë, qarku Korçë, si dhe vendosi shqyrtimin e Kërkesës Ankimore në datën 09.10.2013", theksohet në njoftimin e KQZ-së.

Sipas KQZ-së u miratua edhe projektvendimi "Për emërimin e kryetarit dhe zëvendëskryetarit të KZAZ-së nr.54, për zgjedhjet e pjesshme për kryetar komune Karbunarë, qarku Fier dhe projektvendimin "Për caktimin e vendit të numërimit të votave të ZAZ-së nr. 54, për zgjedhjet e pjesshme për kryetar të komunës karbunarë, qarku Fier"."KQZ vendosi të caktojë si vend të numërimit të votave të ZAZ-së nr. 54, Hollin e Muzeut, bashkia Lushnje", thuhet në njoftimin e KQZ-së

HermesNews-©2013

Dërgo me email | Stampo artikullin