08/10/2013 10:59:36

Rriten çmimet e librave dhe banesave

Sipas INSTAT, Indeksi i grupit "Argëtim dhe kulturë" shënoi rritje me 0.3% ndaj muajit Gusht, ku kryesuan çmimet e teksteve shkollore me 1.6%. Me rritje 0.3% rezultuan dhe çmimet për grupin "Veshje dhe këpucë"

TIRANE - Në muajin shtator shqiptarët shpenzuan më shumë për blerje librash, ç'ka lidhet me fillimin e vitit të ri shkollor, marrjen me qera të banesave si dhe veshjeve. Sipas INSTAT, Indeksi i grupit "Argëtim dhe kulturë" shënoi rritje me 0.3% ndaj muajit Gusht, ku kryesuan çmimet e teksteve shkollore me 1.6%. Me rritje 0.3% rezultuan dhe çmimet për grupin "Veshje dhe këpucë". Rritja e çmimit të banesave me qera me 0.5% për shkak të nisjes së vitit të ri stundentor, ndikoi në rritjen në tërësi të grupit "Qera, ujë, lëndë djegëse dhe energji" me 0.9%. Në këtë grup u vu re ulje me 0.3% e çmimit të lëndëve djegëse. Në shtator u vu re ulje e çmimit të grupit "Transporti" në total me 0.6%, ku brenda tij çmimi i naftës u ul me 0.3% dhe benzinës me 0.4%. Ulja e tarifave të siguracionit të makinave në muajin shtator ndikoi gjithashtu në uljen e Indeksit për grupin "Mallra dhe shërbime të ndryshme" me 0.5%. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin