08/10/2013 10:53:45

''Nëpunësi'', shqyrtohet sot akti normativ

Akti normativ u propozua nga qeveria pasi sipas saj ligji në fjalë është i pazbatueshëm për shkak të mungesës së akteve nënligjore

TIRANË - Komisioni parlamentar i ligjeve nis të martën shqyrtimin e aktit normativ të qeverisë "Për disa ndryshime në ligjin "Për nëpunësin civil", i cili parashikon shfuqizimin me 6 muaj të tij. Akti normativ u propozua nga qeveria pasi sipas saj ligji në fjalë është i pazbatueshëm për shkak të mungesës së akteve nënligjore. Ky vendim i qeverisë ka shkaktuar reagimin e fortë të opozitës së djathtë, i cili sipas saj rikthen tensionet politike, shoqëruar me shkarkimet nga administrata shtetërore, për motive politike. Për këtë qëllim, PD e ka ankimuar aktin në Gjykatën Kushtetuese, duke kërkuar shpalljen e tij 'antikushtetues'. Kundërshtimi i opozitës ndaj këtij vendimi të qeverisë është pasuar me bojkotimin e punës së komisioneve parlamentare nga ana e deputetëve të PD-së. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin