07/10/2013 16:30:07

Mbi 150 viktima nga përmbytjet

Në Kamboxhia bilanci arrin deri në 83 të vdekur, gjysma e të cilëve ishin fëmijë

PHNOM PENH - Më shumë se 150 persona kanë vdekur që prej shtatorit gjatë përmbytjeve të shkaktuara nga shirat musonike në Azinë juglindore, veçanërisht në Kamboxhia, Tajlandë dhe Vietnam, sipas një bilanci të publikuar sot. Në Kamboxhia bilanci arrin deri në 83 të vdekur, gjysma e të cilëve ishin fëmijë. Më shumë se 10 000 familjeve ju desh të evakuoheshin. Në Tajlandë, bilanci arrin në 34 të vdekur, ndërkohë që 1,9 milionë personave iu shkaktuan dëme të mëdha materiale në banesa e biznese. Në Vietnam, i cili u prek në fund të shtatorit nga tajfuni "Wutip", bilanci i fundit dëshmon për 40 të vdekur gjatë përmbytjeve në mesin e shtatorit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin