07/10/2013 14:28:38

Euro rritet ndaj Lekut

Një euro u këmbye me 141.73 lekë, nga 141.5 lekë, që ishte një ditë më parë

TIRANE - Në tregun e këmbimit valutor vendas, monedha europiane ka shënuar një tjetër rritje ndaj lekut gjatë kësaj fillim jave, duke shënuar nivelin e 142 lekëve.

Sipas kursit zyrtar të bankës së Shqipërisë, një euro u këmbye me 141.73 lekë, nga 141.5 lekë, që ishte një ditë më parë. Sipas ekspertëve të fushës, krahas forcimit të euros në tregjet ndërkombëtare, në Shqipëri ndikim po jep dhe kërkesa e lartë e bankave, të cilat prej dy javësh po blejnë valutë për llogari të klientëve të tyre, duke çuar në këtë mbiçmim, që sipas tyre është artificial.

"Në rast se nuk do të kishte blerje nga bankat dhe tregu do të lihej i lirë, atëherë euro nuk do të kishte arritur në këto nivele, për shkak se kërkesa në treg është normale dhe jo e lartë", thonë aktorët e tregut.

Gjatë ditës së sotme është rritur lehtë edhe dollari, duke u këmbyer me rreth 104 lekë. Në bursat ndërkombëtare, euro ka qenë e fortë dhe është forcuar ndaj dollarit pothuajse gjatë gjithë javës që lamë pas, për të arritur në nivelet e 1.36$, si rrjedhojë e mbylljes së qeverisë amerikane dhe të dhënave pozitive për ekonominë e eurozonës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin