07/10/2013 10:28:42

SHBA, përplasje me Libinë për arrestimin e liderit të Al Qaedas

SHBA ndërmorri dy operacione të shtunën e kaluar, një në Somali dhe një në Tripoli gjatë të cilit u arrestua një lider i dyshuar i Al Kaedas

NUSA DUA - Sekretari amerikan i Shtetit, John Kerry e gjykoi të përshtatshëm dhe të ligjshëm arrestimin e liderit të dyshuar të organizatës terroriste "Al Kaeda" në Libi, i konsideruar si rrëmbim nga Tripoli me pretendimin se Libia nuk ishte informuar paraprakisht. "SHBA do të bëjë çdo gjë të përshtatshme dhe të ligjshme që ka në dorë për t'i dhënë fund kërcënimit të terrorizmit", deklaroi Sekretari amerikan i Shtetit, John Kerry gjatë samitit të Azisë dhe Paqësorit në Indonezi. "Tripoli nuk u informua, konform qëndrimit të Uashingtonit që nuk mund të ndajë detaje mbi këto lloj operacionesh me qeveritë e huaja", u shpreh ai gjatë një konference të përbashkët shtypi me homologun e tij rus, Sergei Lavrov. SHBA ndërmorri dy operacione të shtunën e kaluar, një në Somali dhe një në Tripoli gjatë të cilit u arrestua një lider i dyshuar i Al Kaedas, fakt që e shtyu Libinë t'i kërkonte shpjegime Uashingtonit. Libia e konsideron kapjen e liderit të dyshuar të organizatës terroriste, Abou Anas al-Libi si rrëmbim. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin