07/10/2013 09:55:30

''Gjenevë 2'', në mes të Nëntorit

Në fillim të tetorit, Moska bëri të ditur se Damasku mund të fillonte bisedimet në kuadrin e konferencës së paqes ''Gjenevë 2'' me elementë të moderuar të opozitës siriane. Opozita kërkoi largimin e presidentit Assad si parakusht për pjesëmarrjen në bisedime

MOSKË - Rusia dhe Shtetet e Bashkuara të Amerikës do të thërrasin në mes të nëntorit konferencën ndërkombëtare për paqen në Siri "Gjenevë 2" për të gjetur një zgjidhje politike për konfliktin, deklaroi ministri rus i Punëve të Jashtme, Sergei Lavrov. "Jemi prononcuar për mbledhjen e konferencës ndërkombëtare të paqes në mesin e nëntorit", u shpreh Lavrov i cituar nga agjencia zyrtare ruse e lajmeve Ria Novosti gjatë bisedimeve me homologun e tij amerikan, John Kerry në Bali. "Kemi rënë dakort për marrjen e masave që do të sigurojnë pjesëmarrjen e qeverisë dhe opozitës siriane në këtë konferencë", shtoi ai. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin