06/10/2013 20:05:52

Tentohet të rrëmbehet ambasadorja gjermane në Jemen: vritet truproja

Truproja u vra në tentativë për të parandaluar rrëmbimin e ambasadores, Carola Müller-Holtkemper

SANAA - Ish-ambasadorja e Gjermanisë në Shqipëri, Carola Müller-Holtkemper i shpëtoi sot një tentative për rrëmbim në Sanaa të Jemenit gjatë së cilës mbeti i vrarë truproja e saj, bëri të ditur një burim diplomatik. "Truproja u vra në tentativë për të parandaluar rrëmbimin e ambasadores, Carola Müller-Holtkemper në një dyqan të lagjes rezidenciale Hadda, në jug të kryeqytetit jemenas", citon më tej burimi. Truproja u vra në Hadda, ku ambasada ka dhe selinë e vet. Ky është sulmi i fundit i një serie të gjatë atentatesh kundër aleatëve amerikan. Në Jemen ndodhet një prej celulave më të forta të organizates al-Qaida. Holtkemper, sapo ka përfunduar misionin e saj në Shqipëri. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin