06/10/2013 12:51:54

Ndërhyrje kirurgjikale në gji live në Twitter

Mjekët publikojnë fotot e operacionit në Twitter

TEXAS- Mjekët publikojnë në Twitter fotot e një ndërhyrje kirurgjikale në gji në një spital të Teksasit. Pacientja Melissa Ray, 39 vjeç, vendosi ti nënshtrohet një mastektomie të dyfishtë parandaluese pasi u zbulua se ishte pozitive ndaj gjenit Brca, i cili rrit mundësinë e cancerit të gjirit.

Melissa i është nënshtruar të njëjtit operacion që kreu edhe Angelina Jolie, i cili i hapi rrugën diskutimeve të shumta mbi efektshmërinë dhe nevojën e kirurgjisë parandaluese.

Arsyeja pse mjekët, me lejen e pacientes, vendosën të publikonin fotot e ndërhyrjes ishte për të promovuar fushatën ndërkombëtare Breast Cancer Awareness Month, me qëllim për të sensibilizuar publikun rreth kancerit të gjirit, nga diasgnoza, trajtimi e gjer tek kurimi i tij.

Ata shpjeguan gjithashtu se pas operacionit të gjirit, i cili zgjati rreth tre ore, Melisaa ka 98% mundësi të mira kundër kancerit. Ajo vendosi t’i nënshtrohet kësaj ndërhyrjeje për dy fëmijët e saj dhe mund të jetë një ndihmë për shumë gra të tjera që ndoshta po mendojnë të bëjnë të kryejnë të njëjtin hap.

Daniela Vathi

Dërgo me email | Stampo artikullin