05/10/2013 12:56:38

Nga Lampedusa në Assisi, Papa Françesku dhe revolucioni i gjesteve

Gjesti i Papa Françeskut nuk e përjashton fjalën, por e përfshin në një nocion të ri, në një gjuhë të re që i drejtohet të sotmes, Kishës së besimtarëve dhe mos- besimtarit që gjendet në rradhë të parë brenda nesh

VATIKAN - Të gjithë jemi habitur dhe vazhdojmë ta bëjmë me sensin e humanitarizmit të Papa Françeskut. Gjatë konferencës ndërkombëtare Pacem in terris, ai komentoi ngjarjet tragjike të Lampedusa-s me një fjalë të vetme: “Turp”!

Në vizitën e tij të fundit në Assisi para pak ditësh, të gjithë gazetarët vendas, të cilet ishin munduar të parashikonin sjelljet e tij, si gjithmonë mbeten me gojë hapur duke thënë:”Paskeni punuar ë?! Shprehje e cila nënkupton edhe: “gjithsesi nuk keni bërë asgjë sa duhet të bëni”.

Së fundmi, at’ Michael Davide Semeraro shkruan me entuziazëm të madh dhe citime të shpeshta nga Bibla një libër që do të dalë në treg së shpejti rreth revolucit të gjesteve të Papa Françeskut.

Duke analizuar sjelljet dhe fjalët e Papës nga paraqitja e tij e parë në ballkonin e Vatikanit e gjer tek Dita e rinisë në Brazil, ai ndjek një fill tematik më tepër se kronoligjik mbi sjelljet revolucionare të Papa Françeskut që kanë tërhequr vëmendjen e një bote të tërë. Ai analizon gjestet, heshtjet, thyerjet e protokollit zyrtar që burojnë nga figura e thjeshtë e Papës, por me një forcë dhe vullnet të madh.

Gjesti i Papa Françeskut nuk e përjashton fjalën, por e përfshin në një nocion të ri, në një gjuhë të re që i drejtohet të sotmes, Kishës së besimtarëve dhe mos- besimtarit që gjendet në rradhë të parë brenda nesh.
Mund të vazhdojmë të pyesim e kërkojmë pafund nëse kjo nënkupton revolucion apo një rikthim në origjinë, por, ndoshta për Papa Françeskun kjo ka shumë pak rëndësi.

Daniela Vathi

Dërgo me email | Stampo artikullin