04/10/2013 17:54:00

Emërohen drejtorët e rinj të Ministrisë së Drejtësië

Ministri Naço firmos emërimet e reja

TIRANE - Ministri i Drejtësisë, Nasip Naço, emëroi të premten krerët e dy prej insitucioneve të rëndësishme në varësi të këtij dikasteri. Naço emëroi në postin e Kryeregjistruesit të Zyrës së Regjistrimit të Pasurive të Paluajtshme Ilirjan Muho. Më parë Muho ushtronte detyrën e anëtarit të Komisionit Qendror të Zgjedhjeve, post nga i cili u vetdorëhoq. Po sot Naço emëroi Drejtor të Drejtor i Përgjithshëm i Drejtorisë së Përgjithshme të Burgjeve Artur Zoto. Zoto zëvëndëson në këtë post Gazmend Dibra. Gjatë viteve 2006- 2013 Zoto ka punuar si Koordinator Kombëtar i Luftës kundër Kultivimit të Bimëve Narkotike; Specialist për Hetimin e Aseteve Kriminale; Specialist në Sektorin e Planifikimit Strategjik; Shef i Sektorit Kundër Trafikimit; Specialist në Sektorin kundër Lëndëve Narkotike, pranë Drejtorisë së Përgjithshme të Policisë së Shtetit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin