03/10/2013 07:37:11

Bllokohen ndertimet pa leje, arrestime

Vetëm gjatë 24 orëve të fundit, nën këto akuza janë proceduar 4 persona

TIRANË - Prishja e ndërtimeve pa leje, bllokimi dhe procedimi i poseduesve, si dhe personave që duke shpërdoruar detyrën lejojnë ndërtimin e këtyre objekteve, vazhdon të jetë në fokusin e operacioneve policore në të gjithë vendin. Në një deklaratë për mediat Policia e Shtetit informoi të mërkurën se vetëm gjatë 24 orëve të fundit, nën këto akuza janë proceduar 4 persona, ndërsa janë bllokuar objektet që po ndërtoheshin pa leje në rrethet Bulqizë dhe Lushnjë. Sipas Policisë mësohet se objekt i këtyre operacioneve janë edhe procedimet për rastet e “prerjeve të paligjshme të pyjeve”, në qarkun e Elbasanit, ku një i ri, në Librazhd u ndalua teksa transportonte dru me kamionin e tij, pa dokumentacionin përkatës. Nën të njëjtën akuzë, u ndalua në kushtet e flagrancës edhe një 37 vjeçar, në Gramsh. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin