02/10/2013 16:51:57

Demokratët diskutojnë ''mëngjesin e keq''. Rama qeveris kundër opozitës

Basha mbledh grupin parlamentar të PDsë

TIRANË - "Rama i ka ngulur thikën konsensusit. I ka ngulur thikën një vlere që publiku shqiptar dhe bashkësia ndërkombëtare e kërkojnë prej vitesh nga partitë dhe politikanët shqiptarë", deklaroi sot Kryetari i PD-së, Lulzim Basha. Në një konferencë për mediat në pëfundim të mbledhjes së Grupit Parlamentar të PD-së, ku është diskutuar në lidhje me shtyrjen e ligjit për nëpunësin civil, Basha tha se, "Demokratët dhe mbarë opozitarët janë të indinjuar me këtë pabesi. Janë të indinjuar me mesazhin që po përcjell përditë qeverisja e mëngjesit të keq dhe e provokimeve të përditshme të Edi Ramës, i cili po u thotë demokratëve dhe opozitarëve: ne nuk mjaftohemi të qeverisim pa ju. Ne jemi këtu të qeverisim kundër jush", kujtoi Basha.Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin