02/10/2013 14:29:24

Lëvizja që fundos Italinë

Nga Françoise Kadri

PARIS - Kryeministri italian Enrico Letta paralajmëroi sot se ishte kundra paqëndrueshmërisë parlamentare, një rrezik fatal për Italinë, duke bërë thirrje për votëbesim, pas krizës së shkaktuar nga Silvio Berluskoni.

"Italisë i kanoset një rrezik fatal, e cila varet nga një po ose një jo. Unë ju ftoj për të dhënë shembullin e bashkëpunimit", pohoi kryeministri duke paraqitur një bilanc mjaft pozitiv të koalicionit të majtë - djathtë të qeverisë së tij që e renditi Italinë ekonominë e tretë më të madh të zonës së euros e cila po e kalon makthin e recesionit.

"Qeveria ime është krijuar në Parlament dhe nëse ajo nuk do të marrë votbesimin, ajo do të shpërbëhet këtu në Parlament, kini kurajë të më jepni votëbesimin tuaj", u shpreh ai para senatorëve.

Pezullimi do të varet nga rezultati i votimit i cili do të zhvillohet në mesditë pas një debati. Qeveria Letta veret nga votat e rebelëve të partisë së qendrës së djathtë, Populli i Lirisë (PDL) të Silvio Berluskonit.

Një prej tyre, zëvendës kryeministri Angelino Alfano, avokat sicilian 42 vjeçar na paraqitet si pinjoll i Silvio Berluskonit, u shpreh mjaft bindës se të gjithë anëtarët e partisë së tij do të votojë votbesimin e qeverisë Letta. Në kundërshtim me mentorin e tij, i cili theksoi synimin e tij për t'i dhënë fund qeverisë Letta, të koalicionit të majtë dhe të djathtë.

Për ta bërë më të lehtë pozicionimin e të moderuarve të partisë PDL, Letta refuzoi dorëheqjen e pesë ministrave të PDL. Alfano gjithashtu ka zënë vendin e tij, i ulur pranë kreut të qeverisë gjatë fjalimit të tij, ndërsa në radhët e PDL, Berlusconi mbërrin me vonesë, duke dëgjuar, me duar të vendosura përpara gojës.

Në fjalimin e tij prej mëse një orë, Letta hodhi poshtë çdo vendim të manjatit të medias, 77 vjeç i gjykuar nga drejtësia. Në një vend demokratik, vendimet e drejtësisë duhet të zbatohen dhe çështjet gjyqësore duhet të ndahen nga politika" deklaroi ai në mënyrë të vendosur.

Sipas të gjithë ekspertëve, gjesti i çmendur i tërheqjes së miliarderit ishte i motivuar nga frika e humbjes në mesin e tetorit postin e tij të senatorit në këtë mënyrë dhe imunitetin e tij, pas dënimit përfundimtar më 1 gusht, dënim me burg për evazion fiskal.

"Unë nuk vdes, edhe në qoftë se ata më vrasin", deklaroi Berluskoni në një intervistë dhënë gazetës javore "Panorama". Kreu i qeverisë, një demokrat i krishterë në radhët e Partisë Demokratike (forca e parë e majtë), partia më e rrezikuar pasi fati i saj do të varet nga numri i senatorëve të PDL-së, të cilët në fakt e kanë dhënë dorëheqjen dhe do të votbesojnë qeverinë.

Në letër, ai ka siguruar 137 vota ndërsa shumica është 161. Katër ish- senatorë të Lëvizjes së pesë yjeve (M5S) të Beppe Grillo-s janë shprehur gjithashtu se ata do të votëbesojnë qeverinë, kështu që ende i mungojnë 20 vota.

Parlamentarët e partisë PDL nëse votëbesojnë qeverinë përbëjnë 40 vota, mbetet vetëm për të parë deklaratat e tyre publike", u shpreh dje në mëngjes senatori Karlo Giovanardi, një nga aktorët e rebelimit në partinë PDL.

"Kjo është dita që mund të ndryshojë politikën", shpreson Stefano Folli i së përditshmes ekonomike "Sole 24 ore", e cila e parashikon fundin e periudhës së Berluskonit. Dita më e gjatë për Berluskonin sipas "La Repubblica".

Tregjet, duke përfshirë dhe bursën e Milanos, e cila ka shënuar rritje të mërkurën (+ 0.7 pas fjalimit ), dukej si vënie basti për vazhdimësinë e qeverisë Letta.

Rrugëtimi për në Dhomën e Deputetëve nga ana tjetër duket i lehtë, për shkak se partia PD dhe aleatët e saj të qendrës të ish kreut të qeverisë Mario Monti kanë shumicën absolute. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin