02/10/2013 12:48:32

Senati jep votëbesimin

Tërhiqet Berlusconi në Senat: ''Kemi vendosur të japim votëbesimin tonë''

(16:13) Qeveria italiane e Enrico Letta ka marrë një mbështetje të gjerë përmes votëbesimit thelbësor në seancën e organizuar sot në Senat, pas një kthese të fortë të Silvio Berlusconit i cili fillimisht po përpiqej ta rrëzonte këtë kabinet. Senatorët, të pranishëm 235 nga 307 mandate gjithsej, votuan në mazhorancë absolute prej 153 mandatesh në favor të mbështetjes së qeverisë Letta, që në mënytë të paprecedent bashkon që prej prillit qendrën e majtë dhe qendrën e djathtë. Ndërsa shtatëdhjetë senatorë votuan kundër.

(14:37) Ish-kryeminsitri italian, Silvio Berlusconi ka krijuar një situatë surprizë pak më parë, ku u bëri thirrje parlementarëve të japnin votëbesimin për qeverinë e Enriko Lettës. ''Kemi vendosur, jo pa debate të ashpra të brendshme, të japin votëbesimin tonë", deklaroi Kavalieri gjatë një ndërjyrjeje të shkurtër të bërë në Senat, katër ditë pas provokimit të një krize politike të shkaktuar nga tërheqja e ministrave të partisë së tij, PdL nga qeveria Letta.

ROMË - Lideri i qendrës së djathtë, Silvio Berlusconi deklaroi pak më parë se partia e tij, Populli i Lirisë (PdL) do të vendoste nëse do të votonte pro apo kundër në votëbesimit për qeverinë e kryesuar nga Enrico Letta, pas përfundimit të fjalimit të këtij të fundit përpara Senatit, në Parlamentin italian.

''Do të shohim se çfarë ndodh dhe vendimin se si do të veprojmë do ta marrin në përfundim të fjalimit të Lettës në Senat'', theksoi Berlusconi, i cili nxiti krizën më të fundit politike ne Itali me largimin e ministrave të partisë së tij, PdL nga kabineti i kryesuar nga Letta.

''Duam të shohim se ç'qasje do të ketë Letta në fjalimin e tij dhe më pas do vendosim'', theksoi manjati i medias italiane, i cili është dënuar për evazion fiskal dhe kjo mund ta xnjerrë atë jashtë Senatit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin