01/10/2013 14:58:53

Pranga italianit me drogë në Durrës

Rreth 21.5 kg lëndë narkotike kanabis në makinë: pranga 33 vjeçarit

DURRES - Forcat e policisë së Durrësit arrrestuan sot në orët e para të ditës një shtetas italian, në automjetin e të cilit u gjet një sasi prej 21.5 kg lëndë narkotike. Burime zyrtare nga drejtoria e policisë së qarkut, bënë të ditur se Mattia Padovani, 33 vjeç, lindur dhe banues në Ferrarra (Itali), u ndalua pas kontrollit të ushtruar në automjetin e tij Alfa Romeo me targë BB 583 TZ, i cili po imbarkohej në traget për t'u nisur nga porti i Durrësit drejt Barit. Burimet bënë të ditur se në katër gomat e autoveturës u gjetën 20 pako të mbështjella me natriban, të cilat pas peshimit rezultuan me një sasi të përgjithshme prej 21.5 kg lëndë narkotike canabis sativa. Materialet proçeduriale iu kaluan për hetime të mëtejshme prokurorisë së krimeve të rënda në Tiranë - përfunduan burimet e policisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin