30/09/2013 08:58:49

Tajfuni fundos anijet në Kinë

Anijet e peshkimit u fundosën dje për shkak të tajfunit Wutip: 75 persona raportohen të zhdukur

PEKIN - Më tepër se 70 persona raportohen të zhdukur sot pas fundosjes së tri anijeve në Detin e Kinës Jugore, pas kalimit të një tajfuni, bënë të ditur burime zyrtare vendase. "Tri anije peshkimi u fundosën dje për shkak të tajfunit 'Wutip' dhe 75 persona raportohen të zhdukur", theksuan burime zyrtare vendase. Anijet ishin nga provinca Guangdong, në jug të Kinës.

"Pesë anije peshkimi u goditën nga tajfuni dhe vetëm 14 persona arritën të shpëtonin. Operacionet e shpëtimit vazhduan edhe sot", shtuan burimet zyrtare vendase. Një javë më parë tajfuni "Usagi" shkaktoi rreth 30 të vdekur në jug të Kinës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin