29/09/2013 22:10:50

Miliarder falë Warren Buffet

Historia e nje prej miliardereve me te medhenj te Amerikes

HermesNews - Kjo është një histori suksesi . Eshtë historia e dikujt që bleu një biletë dhe fitoi një mega-llotari. Në fund të viteve ’80, Stewart Horejski, kishte trashëguar një fabrikë për shpërndarjen e oksigjenit dhe hidrogjenit, e cila duhet të përballej me konkurrencën e fortë të shumë fabrikave të tjera shumë më të mëdha në Kansas.

I shqetësuar për të ardhmen e kompanisë së tij, biznesmeni amerikan vendosi të investojë në kompaninë e famshme Berkshire Hathaway, me në krye financierin e dëgjuar Warren Buffet, i emëruar edhe “orakulli i Omahas”, i cili krahasohet në fushën e biznesit me mbretin Mida që kthente në flori çdo gjë që prekte.

Sot Horejski, falë investimit që bëri në kompaninë e Buffet, është kthyer në një ndër njerëzit më të pasur të Amerikës. Përveç Warren Buffet, i cili është i katërti ndër më të pasurit e botës, edhe gjashtë persona të tjerë janë kthyer në miliarderë falë kompanisë Berkshire.

Daniela Vathi

Dërgo me email | Stampo artikullin