29/09/2013 16:53:47

Bejne dashuri mbi hekurudhe

Treni shtyp guan. Shpeton i fejuari i saj

UKRAINE- Të realizosh ëndrrat e ndaluara mund të jetë e rrezikshme. Dhe në fakt kështu ka qenë për një grua ukrainase e cila kishte zgjedhur binarët e trenit për të bërë dashuri me të fejuarin e saj. Ne mesnatën mes të premtes dhe të shtunës, të dy janë lëshuar me pasion për të bërë dashuri mbi binarë, por pasi kishin nisur momentin intim, një tren ka mbërritur me shpejtësi.

“Gruaja ka vdekur për shkak të goditjes së fuqishme nga treni”, theksojnë burime nga policia, ndërsa i fejuari ka arritur të largohet me shpejtësi. Ngjarja tragjike ka ndodhur në rajonin Zaporizhia në orët e para të mëngjesit të së shtunës. “Ishim në shtëpinë e disa miqve dhe pasi kaluam disa orë atje dolëm jashtë”, tregon në polici, i fejuari 41 vjecar. “Unë dhe e fejuara ime nuk i kemi rezistuar dot pasionit tonë dhe pasi kishim pirë disa gota vendosëm të bënim dicka intime në hekurudhë”.

Një zëdhënës i policisë ka thënë se të dy të dashuruarit ishin të dehur. Në lidhje me ngjarjen, ka nisur një hetim me akuzën e “dhunimit të normave të sigurisë”.

Edison Myrteza

Dërgo me email | Stampo artikullin