29/09/2013 16:12:43

Ish kryeministri italian Silvio Berlusconi fut Italinë në krizë

Dorëhiqen ministrat e tij. Letta, përpjekje për të kamufluar skandalet

ROMË - Shefi i qeverisë italiane, Enrico Letta, menjëherë pas paraqitjes së dorëheqjeve nga ministrat e partisë ''Populli i Lirisë'', deklaroi se ''gjesti i Berlusconit ishte një veprim prej të çmenduri që po e përdorte vetëm për të kamufluar skandalet dhe çështjet gjyqësore personale, po ashtu në përpjekje për ta justifikuar këtë ish-kryeministri italian po përpiqej të vinte në jetë manovrën e shmangies duke përdorur çështjen e TVSH-s, si një alibi dhe arsye për justifikimin e largimit të ministrave të partisë së tij nga kabineti qeveritar''.

"Berlusconi në përpjekje për të justifikuar gjestin e tij prej një njeriu të papërgjegjshëm, veprim që si synim themelor kishte mbulimin e të gjitha skandaleve të tij personale dhe proceseve gjyqësore, po përpiqet të manovrojë në një situatë që e krijoji vetë duke përdorur si alibi për largimin e ministrave TVSH-n", theksoi kryeministri Enrico Letta, përmes një komunikate.

Kreu italian i Shtetit, Giorgio Napolitano deklaroi se ''lidhur me situatën e krijuar 24 orët e fundit në Itali, do të duhej të verifikonte precendetët e krizave të kaluara nga kabinetet qeveritare italiane të mëparshme''. Ai shtoi se ''shpërbërja e parlamentit italian do të ishte alterantiva e fundit mbi tryezën e tij''.

HermesNews - ©2013

Dërgo me email | Stampo artikullin