29/09/2013 08:45:00

Risi: Facebook me opsione të reja

Rrjeti i famshëm social Facebook tashmë disponon opsione të reja për përdoruesit e tij

HermesNews - Rrjeti i famshëm social Facebook tashmë disponon opsione të reja për përdoruesit e tij. Falë ndryshimeve të fundit, tani është e mundur të bëhen modifikime edhe në postet e publikuara në Facebook.

Nëse keni ndryshuar mendim, nëse keni shkruar diçka që nuk duhej apo nëse keni bërë gabime drejtëshkrimi, falë këtij opsioni mund të ndryshoni statusin apo postin tuaj edhe pasi ta keni publikuar. Përdorimi i opsionit të ri është shumë i thjeshtë: mjafton të hapet menuja lart në të djathtë dhe zgjidhet opsioni përkatës.

Deri më sot ky opsion nuk ishte i mundur për të shmangur rastet kur mund të përdorej për të modifikuar postet pasi kishin marrë like dhe koment duke shtuar pastaj diçka që nuk përputhej me ate çka kishin pëlqyer dhe shpërndarë miqtë.

Për të shmangur këtë problem, paraqitet gjithmonë shënimi “i modifikuar” përkrah orës së publikimit. Funksioni është tashmë i disponueshëm në Android dhe së shpejti edhe në IphoneIOS.

Së fundmi, Facebook paraqet edhe një risi tjetër përsa i përket sferës së “advertising” ose më mirë publicitetit në rrjet, duke ndryshuar kështu algoritmin. Qëllimi i këtij funksioni të ri ështe që lajmet reklamues të arrijnë drejtë e tek personat e interesuar. Pra nëse dikush nuk dëshiron ti vijnë më njoftime publicitare, atëherë ky funksion bën të mundur pezullimin e tyre.Na ndiqni dhe në Facebook dhe Twitter

Daniela Vathi

Dërgo me email | Stampo artikullin