28/09/2013 14:20:10

Përplasje Siri-Francë në OKB

''Unë e këshilloj gjithashtu ministrin e Jashtëm francez ta lexojë me kujdes rezolutën'', tha ambasadori sirian

NEW YORK - Ambasadori sirian në OKB denoncoi dje në New York amatorizmin e diplomacisë franceze që sipas tij, ka kryer shumë gabime në çështjen e Sirisë. Ambasadori Bashar Jafari u shpreh mjaft i irrituar nga fakti që Franca ka oganizuar ditën e enjte me pjesëmarrjen e ministrit të jashtëm Laurent Fabius, një takim në ndërtesën e OKB-së me opozitën siriane, me një pjesëmarrje të madhe në sallë. Presidenti i Koalicionit Kombëtar Sirian, Jarba Ahmad ka përshkruar veçanërisht situatën humanitare në vend. "Përmes kësaj ngjarjeje, diplomacia franceze ka vepruar më tepër në mënyrë amatore sesa profesioniste", deklaroi ambasadori pas votimit nga Këshilli i Sigurimit të rezolutës mbi shkatërrimin e arsenalit kimik sirian. "Unë e këshilloj gjithashtu ministrin e Jashtëm francez ta lexojë me kujdes rezolutën", vijoi ambasadori sirian. "Në sajë të leximit të rezolutës, ministri do të bindet se që tani e tutje, as ai as shteti i tij nuk janë të autorizuar të shkelin dispozitat e kësaj rezolute", tha ai.Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin