27/09/2013 13:58:04

Pesë arsye pse një ekonomist, nuk mund të jetë drejtor spitali

nga Artrit Hoxhaj

TIRANE - Flitet që spitalet rajonale do të drejtohen nga menaxherë të shëndetësisë, por a duam vërtet të përsërisim gabimet e së kaluarës ?

Si fillim këto menaxherë duhet të mbarojnë fakultetin e mjekësisë dhe të trajnohen në menaxhim, një fushë e pashkelur deri tani dhe nëse ka filluar është në hapat e para dhe të tillë njerëz nuk kanë provojën e duhur.

Detyrimisht këto menaxherë do të zëvendësohen me ekonomistë militant të cilët nuk kanë asgjë të përbashkët me mjekësinë, përkundrazi mund t'a rrënojnë akoma më tepër. Duhet patjetër që në krye të drejtimit të spitalit të jenë mjekë teknicien të aftë dhe të ndershëm, ata që dinë mangësitë dhe dobësitë që ka një spital.

Këta mjekë teknicien duhet të udhëheqin borde mjekësh ku vendimet të jenë unanime për të mirën dhe në funksion të pacientëve. Kjo do të bënte që spitali të vendosej në shina dhe në bazë të programit që ka Ministria e Shëndetësisë, është më e lehtë për t'u implementuar, ndërsa menaxherët do t'a shohin aspektin ekonomik pa i patur prirjet dhe dijet e duhura mjekësore të cilat do ta çojnë në një fund pa krye.

Dihet kudo në botë që mjekët teknicien e orientojnë mbi baza shkencore dhe nëpërmjet studimeve që kryhen në spitale mund t'a reduktojnë dhe ulin shumë më tëpër koston ekonomike të spitalit. Orientimi do të ishte shumë më efikas.

Kjo ndodh kudo në botë ku mjekë dhe borde mjekësh kanë çuar gjithmonë përpara spitalet në nivele cilësore dhe moderne dhe nuk ka eksperienca që këtë detyrë t'a bëjnë menaxherët e shëndetësisë, kjo sidomos për këto pesë arsye që unë po i radhis si më poshtë:

1) menaxherët ekonomist nuk njohin aspektin profesional mjekësor dhe specifikat e tij, 2) nuk janë në gjëndje të menaxhojnë dhe të korrelojnë idetë mjekësore për problemet që ka spitali, 3) vendosja e të ashtëquajturve menaxherë (por që në vërtetë ishin militantë) rrezultoi e dështuar që nga koha e ministrit Ndoka e në vazhdim, ku spitalet janë të mbytura në borxhe, 4) statura e menaxherit nga pikëpamja etike nuk ka autoritet përballë bluzës së bardhë 5) kjo praktikë ka dështuar që prej tetë vitesh dhe nëse një akt i tillë përsëritet do të isha me të vërtetë kurioz të dija arsyet e përsëritjes së eksperiencave negative në Shqipëri ? Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin