27/09/2013 12:00:47

Ulet interesi i bonove të thesarit

Bonot me maturim 12-mujor u shitën me një normë mesatare të ponderuar interesi prej 4.04%

TIRANE - Në ankandin e fundit të Bankës e Shqipërisë, bonot me maturim 12-mujor u shitën me një normë mesatare të ponderuar interesi prej 4.04%, duke thyer sërish rekordin e dy javëve më parë, kur interesi kishte qënë 4.31%. Sipas njoftimit nga BSH-ja, që prej fillimit të vitit interesi i bonove 12-mujore ka rënë me një të tretën e vlerës nominale. E njëjta tendencë vijoi edhe për bonot me maturim 3 mujor, që në ankandin e së martës u emetuan me një normë mesatare interesi prej 3.44%. Edhe në këtë rast kemi të bëjmë me rekord të ri në rënie. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin