25/09/2013 19:38:35

Rregullat e FMN-së për borxhin e brendshëm

Përqfaqësuesit e Fondit flasin për strukturën e brendshme të borxhit

TIRANE - Guvernatori i Bankës së Shqipërisë, Ardian Fullani, tha të mërkurën se ''gjatë diskutimeve me delegacionin e FMN-së janë ndarë mendime të njëjta për perspektivat e ekonomisë shqiptare dhe për domosdoshmërinë e vendosjes së një rregulli fiskal". Të premten misioni i FMN-së do të dalë në një konferencë të përbashkët për mediat me ministrin e Financave dhe Guvernatorin e Bankës së Shqipërisë. Takimi i përfaqësuesve të Misionit të Fondit Monetar Ndërkombëtar me ekspertët e Bankës Qendrore vjen pas takimeve më drejtuesit e drejtorive kryesore të dikasterit të Financave, ku është diskutuar më gjerësisht mbi strukturën e borxhit të brendshëm, që përfshin edhe faturat e papaguara për kompanitë e ndërtimit, por edhe të shërbimeve. Gjithashtu është diskutuar mbi treguesit e buxhetit 2013 deri më tani, ndryshimet që pritet t'u bëhen treguesve fiskalë të këtij buxheti dhe objektivat e hartimit të projekt-buxhetit 2014. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin