25/09/2013 14:26:22

Rrugët e pamundura në Elbasan

Trafik i rënduar, probleme me sinjalistikën

ELBASAN - Shumë akse rrugore brenda qytetit të Elbasanit janë shqetësim për banorët dhe drejtuesit e mjeteve, të cilët qarkullojnë çdo ditë në trafikun e rënduar në qytet. Kaosi mbizotëron në "Kryqëzimin e Cerikut", qe në çdo orë të ditës ka një trafik të rënduar, pasi ky aks lidh qytetin me Cerriku, Gramshin dhe fshatrat përreth. Sinjalistika në këtë kryqëzim pothuajse mungon dhe drejtuesit e atomjeteve dhe këmbësorët nuk mund të orientohen. Përsa i përket semaforëve, që janë mjaft të rëndësishëm, edhe ata mungojnë. Pikërisht në këtë aks kalon dhe linja hekurudhore, qe e bën dhe më shumë të rënduar atë. Drejtuesit e automjeteve ankohen për këtë situatë dhe kërkojnë të gjendet zgjidhje e menjëhershme. Kryqëzimi i Cerrikut nuk është i vetmi që ka një gjëndje të rënduar të trafikut ne qytetinin e Elbasanit. Në shumë rrugë kryesore mungon sinjalistika, por edhe në rastet kur ajo ekziston, nuk respektohet nga drejtuesit e automjeteve dhe këmbësorët.Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin