24/09/2013 17:21:11

Cifti gay adopton 14 femije

Te gjithe se bashku dhe teper te lumtur

SHBA - Një listë shpenzimesh deri në 1500 dollarë të përjavshme, një makinë për 15 vende dhe plot e plot gjëra të tjera. Për të gjithë ata që jetojnë në një familje të madhe, kjo është thjesht “e përditshmja”. Por familja Ham është speciale, jo vetëm sepse është e krijuar nga një cift gay, por sepse të dy kanë adoptuar 14 fëmijë, njëri pas tjetrit.

Steven dhe Roger Hams, janë një cift nga Arizona dhe kanë rrëfyer historinë e tyre për një gazetë lokale. Askush prej të dyve nuk e kishte ëndërruar një familje të madhe, por pasi kanë adoptuar Michael në vitin 2003, gjërat kanë vazhduar në të njëjtin rritëm. Michael ishte 5 vjec dhe jetonte në një jetimore. Menjëherë i është besuar Steven pasi ai dhunohej nga të tjerë fëmijë sepse ishte më i pafuqishmi dhe më i vogli. Në këtë mënyrë vogëlushi ka gjetur një familje me Roger dhe Steven.

Katër vëllezërit e vogëlushit, jetonin ende në shtëpinë e fëmijës dhe cifti vendosi që t’i adoptojë në mënyrë që t’u lejojë të gjithëve të rriten së bashku. Brenda një viti erdhi edhe Elisabeth, 4 vjec, Andrew, 3 vjec dhe dy binjakët Jackson dhe Madison. Në vitin 2006, Roger u larguar nga puna për t’u bërë “baba” me kohë të plotë, dhe vetëm disa kohë më pas cifti vendosi të qëndrojë në cdo moment me familjen e krijuar.

Fëmija i gjashtë i mbërritur në shtëpinë Hams është Marcus, tashmë vetëm 15 muajsh, i ndjekur nga Vanessa, 11 vjecare. Duke parë gjendjen e tyre, Steven dhe Roger kuptuan se cila ka qenë detyra e tyre e vërtetë, duke u bërë prindër “mbase edhe përkohësisht” për të gjithë fëmijët në nevojë. Disa prej tyre janë pak të vështirë. Olivia dhe Cooper, janë braktisur disa muaj më parë mes një supermarketi dhe një spitali. “Deri në atë moment ishin 12. Dhe ishim të kompletuar”, ka thënë Steven.

Por janarin e kaluar pasi kishin lexuar në një gazetë historinë e trishtuar të dy vëllezërve të keqtrajtuar nga prindërit, Roger dhe Steven vendosën të interesohen për këta fëmijë. Zbulohet se Julian dhe Bella janë vëllezër me Ambrosën dhe për këtë gjë vendosën të hapin derën e shtëpisë, duke u bërë me plot 14 fëmijë”. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin