23/09/2013 18:27:08

Elbasan, apeli i forumit të gruas

Punësoni gratë e dhunuara në administratat publike !

ELBASAN - Forumi i gruas në qytetin e elbasanit mblodhi sot në një seminar përfaqësues të institucioneve vendore, të cilëve u kërkoi që të punësojnë në administratën publike më shumë gra të dhunuara. Në rrethin e Elbasanit, dhuna në familje mbetet një fenomen që ka ardhur në rritje, ndërsa për parandalimin e tij, Forumi i Gruas po punon për ndërgjegjësimin e komunitetit, me qëllim denoncimin dhe parandalimin e rasteve të dhunës. Deri tani, në administratën publike nuk është punësuar asnjë grua e prekur nga fenomeni i dhunës. Të punësuara nga kjo kategori ka vetëm në bizneset private në Elbasan. Vetëm gjatë tre muajve të fundit, në rrethin e Elbasanit janë evidentuar 36 raste të dhunës në familje, ku 26 prej tyre janë raste të grave të cilat janë abuzuar nga bashkëshortët dhe kanë bërë denoncime në Polici. Por veç rasteve të grave të dhunuara pranë fomumit të gruas janë paraqitur edhe burra të cilët kanë kërkuar ndihmë pasi janë dhunuar nga gratë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin