23/09/2013 11:15:04

Kapen 3.5 kg heroinë drejt Greqisë

Ndalohet 36 vjeçari Eduart Naziri

KAKAVIJË - Të paktën 3.5 kg heroine, me vlerë 500 mijë euro, u bllokuan sot në Kakavijë (foto), ndërsa transportuesi u ndalua, njoftoi sot policia kufitare e Gjirokastrës në jug të vendit. "Heroina u gjet e fshehur në sedilien të pasme në automjetit tip Benz me targa AA 811 GL, me drejtues Eduart Nazari, 36 vjeç, lindur dhe banues Berat, tashmë i ndaluar", thekson policia. “Policia po punon për të saktësuar origjinën e heroinës, ndërsa destinacioni ishte Athina (Greqi)”, tha në linjë telefonike një drejtues i lartë i policisë kufitare. Një procedurë ligjore për paraburgimin e 36 vjeçarit tashmë ka nisur, ndërsa provat materiale i kaluan Prokurorisë së Krimeve të Rënda Tiranë për hetime te mëtejshme. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin