21/09/2013 10:36:55

Moti i kthjellët në fundjavë

Temperatura deri në 28 gradë

TIRANË - Në fundjavë temperaturat do të shkojnë deri në 28 gradë, kryesisht në bregdet dhe vendet e ulëta. Vendi do të ndikohet nga periferia e presionit atmosferik të lartë, konfirmon SHMU. Moti ditën e sotme do të jetë me diell dhe re, ndërsa temperaturat nuk do t’i kalojnë të 29 gradët. Temperaturat më të ulëta do të shënohen në Dibër 8/19 dhe në Korçë 12/17, ndërkohë temperaturat më të larta do të arrijnë në 29 gradë në Berat. Tirana do të karakterizohet po ashtu nga moti me diell dhe re, ndërsa termometri do të shënojë vlerat 16/28 gradë celcius. Për sot moti do të jetë me kthjellime dhe vranësira. Vendi ynë do të ndikohet nga periferia e presionit atmosferik të lartë, ndërsa era do të ketë drejtim veriperëndim dhe verilindje, me shpejtësi deri në 7 metra/sek. Valëzimi në det do të jetë i forcës 3, me lartësi vale deri në 1.4 metra. Temperaturat parashikohet të shënojnë vlerat në vendet malore 7/22, në vendet e ulëta 13/28 dhe në bregdet 15/28. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin