19/09/2013 15:09:07

Fallsifikoi listat e zgjedhjeve vendore, arrestohet nëpunësi

Në fazën përgatitore të zgjedhjeve të 8 Majit 2011, opozita e kohës denoncoi mjaft shkelje me listat zgjedhore në këtë njësi administrative, 20 km në lindje të Vlorës, duke pretenduar se në këto lista ishin përshirë edhe mjaft qytetarë me rezidencë në Vlorë

VLORË - Policia e Vlorës arrestoi sot ish- përgjegjësin e Zyrës së Gjendjes Civile, në komunën Vllahinë, 28 vjeçarin Ariton Shoraj, i dënuar nga Gjykata e këtij rrethi për falsifikim të listës së zgjedhësve në zgjedhjet vendore të vitit 2011. Policia tha se, 28 vjeçari Shoraj u ndalua në banesën e tij në fshatin Vllahinë, qendër e komunës me të njëjtin emër, ku kishte punuar deri pak kohë më parë si përgjegjës i Zyrës së Gjendjes Civile. Shoraj ishte dënuar nga Gjykata me 18 muaj burg, me akuzën e falsifikimit të dokumentave zyrtare, për shkak se falsifikoi listat zgjedhore në zgjedhjet lokale të majit të vitit 2011. Pas dhënies së vendimit, 28 vjeçari i fshihej drejtësisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin