19/09/2013 12:11:33

Vlorë, thirrja e Bashkisë: tregtarë hiqni kioskat !

Aksioni do të përqëndrohet fillimisht në trotuaret dhe mjediset e gjelbra, përgjatë bulevardit Vlorë-Skelë, ku numërohen të paktën 30 objekte të tilla

VLORË - Disa dhjetëra kioska, ku ushtrohet aktivitet shërbimi e tregtie, pritet të hiqen këto ditë nga trotuaret dhe hapësirat e tjera publike në qytetin e Vlorës. Burime zyrtare të Bashkisë bënë të ditur e aksioni do të përqëndrohet fillimisht në trotuaret dhe mjediset e gjelbra, përgjatë bulevardit Vlorë-Skelë, ku numërohen të paktën 30 objekte të tilla. Gjatë këtyre ditëve është bërë njoftimi i poseduesve të kioskave, të cilëve u është kërkuar të marrin masa për t’i hequr vetë ato. Paralelisht me të po kryhet edhe verifikimi i dokumentacionit fiskal për një kategori të caktuar, veçanërisht ato të tregtimit të shtypit, të cilat vlerësohen se mund të përmbushin kushtet për të vijuar aktivitetin, sipas një plani të studiuar vendosjeje. Gjatë dy muajve të fundit, Bashkia e Vlorës ka ndërmarrë një aksion që synon lirimin e hapësirave publike nga ndërtimet pa leje, kioskat dhe aktivitete të tjera private.
Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin