19/09/2013 10:05:03

Dëshironi të studioni në Korenë e Jugut ?

Bursa dhe mastera pasuniversitar

TIRANË - Shkolla e Politikave Publike dhe Menaxhimit Publik (School of Public Policy and Management) pranë Institutit të Zhvillimit së Koresë së Jugut (KDI) shpall programet e avancuara në master dhe doktoraturë për zyrtarë të lartë të institucioneve shtetërore.

Bursat ofrohen në fushat e specializuara në Politikat Publike dhe Politikat e Zhvillimit. Misioni i kësaj shkolle është të trajnojë dhe përgatisë drejtues të së ardhmes në sektorët publikë dhe privatë, të cilat përshtaten plotësisht me ndryshimet ekonomike.

Kandidatët pasuniversitare, të cilët dëshirojnë të ndjekin këto studime, duhet te jene punonjës shtetërore në fushat e mësipërme dhe të kenë kualifikimin e domosdoshëm. Kurset zhvillohen në anglisht. Aplikantët duhet të kenë njohuri shumë të mira të gjuhës angleze.

Ata detyrimisht duhet t’i nënshtrohen testimit ndërkombëtar: TOEFL, IELTS, ose TOEIC. Bursa është e plote dhe mbulon të gjitha shpenzimet e udhëtimit dhe të akomodimit, si dhe shpenzimet për taksat e shkollimit. Aplikantëve iu akordohet bursë mujore gjatë gjithë periudhës së studimeve.

Afati i fundit për aplikimin online dhe të plotësimit të dokumentacionit për bursat që ofron Shkolla e Politikave Publike dhe Menaxhimit Publik (School of Public Policy and Management-KDI), është data 25 tetor 2013. Kandidaturat përzgjidhen nga Universiteti përkatës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin