19/09/2013 09:53:42

McCain, vë rusët kundër Putin

Ish-kandidati republikan për Shtëpinë e Bardhë në vitin 2008 akuzon presidentin Putin dhe rrethin e tij të ngushtë për manipulim të zgjedhjeve

MOSKË - Presidenti rus, Vladimir Putin nuk ka besim tek ju, u shpreh senatori amerikan, John McCain duke iu drejtuar rusëve në një artikull me gjuhë të ashpër të publikuar të enjten në faqen pravda.ru. Ish-kandidati republikan për Shtëpinë e Bardhë në vitin 2008 akuzon presidentin Putin dhe rrethin e tij të ngushtë për manipulim të zgjedhjeve, burgim dhe vrasje të kundërshtarëve të tij, favorizim të korrupsionit dhe shkatërrim të reputacionit të Rusisë në arenën ndërkombëtare. "Nuk jam antirus", shkruan McCain në artikullin e publikuar në faqen e lartpërmendur në rusisht, anglisht, portugalisht dhe italisht, që konsiderohet aktualisht si faqja më e rëndësishme anglofone pas medias zyrtare Russia Today. Faqja që mbështet politikën e presidentit Vladimir Putin nuk ka asnjë lidhje me ish-të përditshmen e partisë komuniste ruse Pravda e cila nuk del më në shtyp përveç se kur shpërndahet gjatë manifestimeve. "Unë jam pro-rus, madje edhe më pro-rus se regjimi i cili po ju keqqeveris sot", citon më tej artikulli i senatorit amerikan. Artikulli mban titullin "Rusët meritojnë më shumë se Putini". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin