18/09/2013 16:02:12

Nuk do të miratojë asnjë rezolutë për përdorimin e forcës

Reagimi i parë i një zyrtari të lartë sirian për debatin e përdorimit të Nenit VII të Kartës së OKB-së, që parashikon ''masa shtrënguese'' duke filluar nga sanksionet ekonomike deri në përdorimin e forcës

DAMASK - Siria është e sigurtë se OKB-ja nuk do të miratojë, për sa i takon shkatërrimit të armëve kimike siriane, asnjë rezoltë me bazë Nenin VII, që parashikon përdorimin e forcës, deklaroi pak më parë zëvendësministri i Jashtëm sirian, Fayçal Moqdad.

"Besoj se bëhet fjalë për një informacion fals, që po përdoret nga fuqitë perëndimore dhe ne besojmë se Neni VII i Kartës së OKB-së nuk do të përdoret kurrë sepse nuk ka asnjë arsye të mjaftueshme për përdorimin e kësaj klauzole", theksoi Moqdad.

Shtetet e Bashkuara të Amerikës, Franca dhe Britania e Madhe janë pro një rezolute "detyruese" kundër regjimit sirian, që e akuzojnë për një sulm me armë kimike, të kryer më 21 gusht, në afërsi të Damaskut, që shkaktoi qindra të vdekur duke përfshirë edhe fëmijë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin