17/09/2013 17:05:27

Gjuha e kryeministrit acaron debatin me demokratët

Basha në deklaratë për shtyp: kritika fjalimit të Ramës në Parlament

TIRANË - Kryetari i Partisë Demokratike, Lulzim Basha, në një deklaratë për shtyp, siguroi përfaqësuesit e lartë të Bashkimit Europian në Bruksel, se opozita e re nuk do të jetë në asnjë moment pengesa dhe problemi i integrimit të vendit në BE.

"Qytetarët dhe Partia Demokratike nuk do të jetë kurrë pengesë për integrimin e vendit. Ajo do të jetë promotore siç ka qënë edhe në qeveri duke miratuar çdo ligj dhe akt që kanë lidhje me këtë proces. Sot PD kërkon nga Rama që ta lexojë drejt e të reflektojë pa humbur kohë mesazhin për fatin e vendit në Bashkimin Europian dhe rolin përbashkues që Tirana zyrtare duhet të luajë në marrëdhëniet me fqinjët në Kosovë, Maqedoni, si një këshillë ndihmuese dhe qortuese për startin plot qëndrime përcarëse dhe konfliktuale në detyrën e tij si Kryeministër", tha Basha.

Basha theksoi më tej se, Rama me veprimet e tij konfliktuale dhe përçarëse kundër opozitës po rrezikon integrimin e vendit dhe këtë herë jo si opozitar, por si kryeministër.

"Rama i shpalli luftë opozitës me deklaratat e tij në sallën e Kuvendit. Në vend që të nxirrte mësime ai thelloi më tej luftëshpalljen ndaj opozitës me deklaratën e tij të papreçedentë se opozita nuk ka parë akoma se ç’është dhuna, deklaratë nga e cila nuk është tërhequr ende", tha kryetari i Partisë Demokratike, Lulzim Basha. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin