17/09/2013 16:35:43

Nëser vendimi për ''21 Janarin''

Në Gjykatën e Apelit u zhvillua sot seanca gjyqësore ndaj dy gardistëve Ndrea Prendi dhe Agim Llupo për katër vrasje gjatë protestës së 21 Janarit para Kryeministrisë

TIRANË - Pas kërkesës së prokurorit të çështjes Shkëlqim Hajdari, gjatë seancës së sotme për gjyqin e 21 Janarit, në gjykatën e Apelit, ku i kërkoi trupit gjykues që të dënojë me 23 vjet burg ish-kreun e Gardës, Ndrea Prendin, që akuzohet për vrasjen e Faik Myrtajt dhe 25 vjet burg për gardistin Agim Llupo, duke ndryshuar vendimin e shkallës së parë, trupi gjykues ka vendosur të japë nesër në orën 15:30 vendimin.

Në Gjykatën e Apelit u zhvillua sot seanca gjyqësore ndaj dy gardistëve Ndrea Prendi dhe Agim Llupo për katër vrasje gjatë protestës së 21 Janarit para Kryeministrisë. Në këtë seancë nuk është paraqitur asnjë nga familjarët e viktimave dhe as nga Garda e Republikës, por vetëm përfaqësues të Ambasadës Amerikane. Kryetar i çështjes u caktua Agim Bendo. Kryesues i trupit gjykues u caktua Ervin Metalla, ndërsa prokurorë Shkëlqim Hajdari dhe Altin Dumani. Avokati mbrojtës i Ndrea Prendit ishte Genc Gjokutaj, ndërsa i Agim Llupos, Besnik Çerekja.

Në protestën e 21 janarit u vranë Ziver Veizi, Faik Myrtaj, Hekuran Deda dhe Aleks Nika. Të afërmit e tyre ishin ftuar për të ndjekur seancën e parë të Kuvendit të Shqipërisë të paszgjedhjeve të 23 Qershorit. Dy të pandehurit u shpallën të pafajshëm nga Gjykata e Krimeve të rënda Tiranë. Tashmë fjala i ka kaluar trupës gjykuese në Gjykatën e Apelit.

HermesNews - ©2013

Dërgo me email | Stampo artikullin