16/09/2013 12:41:30

Euro qëndron e fortë këtë të hënë

onedha e përbashkët u tregetua kete jave me 140.11 lekë diten e hene dhe të premten me 140.21 lekë

TIRANE - Euro ka mbetur e fortë në tregun vendas edhe këtë fillim jave, duke u këmbyer mbi nivelin e 140 lekëve, sipas kursit zyrtar të Bankës së Shqipërisë. Monedha e përbashkët u tregetua kete jave me 140.11 lekë diten e hene dhe të premten me 140.21 lekë.

Edhe në tregjet ndërkombëtare, euro ka qenë e qëndrueshme, duke u mbyllur të premten me 1.3286 USD. Nga ana tjetër, dollari ka qenë i luhatshëm në tregun vendas, duke e nisur javën në kuotën e 105.86 lekëve dhe duke e mbyllur me 105.55, në nivele më të ulëta se java e mëparshme. Ekspertet shprehen se kërkesa për euro është e lartë, tashmë që tregtia ka rifilluar normalitetin, pas pushimeve të verës, ndërkohë që oferta mbetet e kufizuar.

Nga ana tjetër, gushti nuk shënoi forcimin sezonal të euros, për shkak të valutës më të pakët që po hyn në vend nga emigrantët. Të dhënat e Bankës së Shqipërisë pak ditë më parë treguan se prurjet e emigrantëve ishin në nivelin më të ulët të dekadës në 6 mujorin e parë të vitit, duke rënë me 33% me bazë vjetore, në rreth 230 milionë euro.Pritshmëritë janë që euro të vijojë të luhatet në kufijtë e 140 lekëve në një periudhë afat shkurtër. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin