15/09/2013 19:48:33

Betohet Qeveria: Shqiptarët mbajnë frymën. Do t'ua realizojnë ëndrrën ?

Betohet Qeveria e re. Basha, po na kërcënojnë

TIRANË - Kabineti qeveritar i drejtuar nga kryeministri, Edi Rama, pas betimit në Presidencë u drejtua për në selinë e Kryeministrisë.

Në përshëndetjen para godinës së qeverisë drejtuar qytetarëve të pranishëm, kryeministri i ri tha se: "Qeveria e re, që sapo është betuar, është qeveria e të gjithë shqiptarëve dhe ajo do të qeverisë për të gjithë shqiptarët. Ne jemi zgjedhur për të bashkuar e jo për të ndarë dhe ne do të bashkojmë e nuk do të ndajmë. Ne jemi zgjedhur për të shërbyer e jo për të rrëmbyer dhe do të shërbejmë e do të jemi shembull në luftën kundër padrejtësisë dhe korrupsionit", u shpreh Rama.

Kryeministri Rama theksoi se Rilindja që ne duam nuk mund të vijë brenda natës. "Për Rilindjen ne kemi nevojë për të gjithë ndaj ne do të qeverisim me njerëzit dhe për njerëzit. Pas leximit të formulës së betimit të 21 anëtarët e qeverisë së re të kryesuar nga kryeministri Edi Rama u betuan para Kreut të shtetit.

Kryetari i Partisë Demokratike Lulzim Basha në një konferencë për shtyp. tha se "kërcënimet e sotme në Kuvend kundër opozitës nuk mund të mos na kujtojnë se zoti Rama është recidivist ...vjedhja e dhunshme e votave nga Partia Socialiste në qarkun e Lezhës në zgjedhjet e fundit, frymëzuar prej tij, është projeksioni i natyrës së tij”, tha Basha. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin