13/09/2013 08:22:13

Azilkërkuesit: Franca lehtëson proçedurat

OFPRA (Zyra Franceze për Mbrojtjen e Refugjatëve dhe Atyre pa Shtetësi), nga kontrolli i kryer dje, ka marrë në konsideratë 95 për qind të kërkesave për azil

PARIS - Franca ndërmerr masat e nevojshme për të lehtësuar pritjen e refugjatëve sirianë, numri i të cilëve sa vjen e shtohet, njoftoi sot Ministri i Jashtëm Laurent Fabius për radion RTL, ndërkohë që shumë organizata kanë kritikuar Parisin për politikën e ndjekur.

"Ne kemi dhënë udhëzime që aplikimet e azilkërkuesve të merren në konsideratë shumë më shpejt se në të kaluarën", deklaroi Fabius, ai u shpreh se po konsultohej me ministrin e Brendshëm Manuel Valls. "Ne do të akomodojmë një numër të madh të familjeve që kanë një pikë lidhje me Francën" shtoi ai.

"Sot OFPRA (Zyra Franceze për Mbrojtjen e Refugjatëve dhe Atyre pa Shtetësi), nga kontrolli i kryer dje, ka marrë në konsideratë 95 për qind të kërkesave për azil, por kjo është një pjesë e realitetit, pasi rastet janë më të komplikuara në fakt, ne do të mirëpresim më pak refugjatë se Danimarka dhe Suedia", theksoi ministri. ''Kështu, ne mbetemi në kontakt të drejtpërdrejtë për të siguruar strehemin e një numri më të madh refugjatësh", shtoi ai. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin