12/09/2013 18:43:25

Huffington Post dhe në gjermanisht

Faqja e destinuar për Gjermaninë, do të bëjë pjesë në grupin e pesë portaleve gjermane më të mëdha të informacionit

BERLIN - Versioni gjerman i Huffington Post, agjencisë amerikane të lajmeve online, do të do të inaugurohet më 10 tetor dhe pritet të sjellë brenda pesë viteve përfitime prej miliona eurosh, sipas një zyrtari të cituar sot nga shtypi.

"Faqja e destinuar për Gjermaninë, Austrinë dhe Zvicrën, publikimi i së cilës online po përgatitet prej disa muajsh, do të bëjë pjesë në grupin e pesë portaleve gjermane më të mëdha të informacionit", deklaroi për të përditshmen Frankfurter Allgemeine Zeitung, Christoph Schuh, pronari i grupit mediatik Tomorrow Focus.

Filiali i grupit mediatik Hubert Burda do të ngarkohet me administrimin e faqes, sipas termave të marrëveshjes së partneritetit me grupin amerikan. Në Gjermani, grupi Tomorrow Focus nuk do të investojë më shumë se 3 milionë euro në këtë projekt.

Huffington Post do të punësojë 15 gazetarë në Mynih, 12 prej të cilëve që prej nisjes së projektit. Në postin e kryeredaktorit u emërua Sebastian Matthes, i cili vjen nga përvoja në të përditshmen ekonomike gjermane "WirtschaftsWoche". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin