12/09/2013 14:38:26

Protestuesit manifestojnë për vrasjen në Ankara

Policia bëri rreth 20 arrestime dhe sipas medias raportohen disa të plagosur

ANKARA - Mijëra demonstrues u përleshën dje në mbrëmje me policinë në qytetet më të mëdha të Turqisë për të protestuar për vdekjen e një manifestuesi të vrarë të hënën, raportuan mediat. Në Stamboll, epiqendra e tubimeve ishte sheshi ''Kadikoy'', në anën aziatike të qytetit, ku mijëra protestues u përleshën me policinë e cila përdori gaz lotsjellës dhe ujë me presion, njoftoi rrjeti informativ CNN-Turk. Policia bëri rreth 20 arrestime dhe sipas medias raportohen disa të plagosur. Në Izmir, qytet i madh në perëndim të vendit, më shumë se 2 500 persona marshuan në qendër të qytetit duke sfiduar forcat e rendit të cilët përdorën bombola me gaz lotsjellës në mes të turmës që thërrisnin "Vrasës"! duke iu referuar Partisë për Drejtësi dhe Zhvillim në pushtet (AKP, nga lëvizja islamike), raportoi gazeta ''Hurriyet''. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin