11/09/2013 15:52:41

SHBA: 12 vjet nga sulmet terroriste

Presidenti amerikan, Barack Obama, zëvendëspresidenti, Joe Biden dhe bashkëshortet e tyre mbajtën gjithashtu heshtje në lëndinën para Shtëpisë së Bardhë

NEW YORK - SHBA përkujtoi sot me anë të ceremonive të zhvilluara në New York dhe Washington 12-vjetorin e atentateve të 11 shtatorit 2001.Presidenti amerikan, Barack Obama, zëvendëspresidenti, Joe Biden dhe bashkëshortet e tyre mbajtën gjithashtu heshtje në lëndinën para Shtëpisë së Bardhë.
Pritet që presidenti, Barack Obama të mbajë një fjalim përpara Pentagonit, një prej objektivave të sulmeve të 11 shtatorit. Në New York, të afërmit e viktimave të vrarë në kullat e World Trade Center u mblodhën sërish në Ground Zero. Ish-kryebashkiaku i qytetit, Rudolph Giuliani mbajti gjithashtu heshtje para fillimit të ceremonisë në orën kur avioni i parë u përplas para 12 vjetësh me kullat binjake. Rreth 3 000 persona vdiqën gjatë atentateve në Nju Jork, Pentagon dhe Shanksville të Pensilvanisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin