11/09/2013 06:38:25

Agron Tufa: Rama duhet të realizojë dekomunistizimin e shoqërisë

Hapja e dosjeve, projektigji i parë që mbërrin në kuvend

TIRANE - Maxhoranca e majtë mund të kalojë brenda shtatorit provën e parë të fortë në parlament. Është Agron Tufa, drejtor I Institutit të Studimeve të Krimeve të Komunizmit ai që deklaron se shumë shpejt do të paraqesë në kuvend projekligjin për hapjen e dosjeve të ish-bashkëpunëtorëve të Sigurimit të Shtetit.

Tufa e ka bërë deklaratën dje gjatë emsionit Debati ne Channel One të gazetarit Roland Qafoku, i ftuar bashkë me 5 personazhe të tjerë të jetës publike për të analizuar përbërjen e kuvendit të ri.

"Meqënëse zoti Rama ka deklaruar se do kryesojë qeverinë më të mirë në 100 vjet të shtetit shqiptar, atëherë unë po e vendo në një provë duke i kërkuar dekomunistizimin e shoqërisë shqiptare, të miratojë ligjin për lustracionin", ka deklaruar Tufa.

Tufa shtoi se drafti i hartuar është gati dhe është marrë për model ai I Gjermanisë Lindore, I cilësuar modeli më I mirë. “Janë bërë disa ndryshime nga drafti I kaluar që mendojmë se ishin të nevojshme”, sqaroi Tufa gjatë emisionit. Edhe pse kanë kaluar 23 vjet nga vendosja e pluralizmit në Shqipëri, nuk është bërë e mundur hapja e dosjeve që synon pastrimin e klasës politike popr edhe të fushave të tjera nga lidhjet me nomenklaturën komuniste. Përpjekje në këtë drejtim nuk kanë munguar por klasa politike shqiptare gjithnjë ka nxjerrë një problem.

Duket se për Edi Ramën, kryeministrin e 33-të në histrinë 101 vjeçare të shtetit shqiptar, kjo do të jetë vërtetë një provë reale dhe nëse ai e realizon do jetë pikërisht ai që do futet në histori si politikani që realizoi dekomunistizimin aq të kërkuar.

Tufa e argumentoi këtë edhe me faktin se Rama nuk ka probleme me numrat dhe me fuqinë e mazhorancës që kryeson kështu që sipas tij nuk ka justifikime. Na ndiqni dhe në Facebook dhe Twitter

Channel One

Dërgo me email | Stampo artikullin