10/09/2013 15:22:26

Sinjale të mira pas seancës së sotme

Koment i ambasadorit të BE-së Ettore Sequi: përberja e qeverisë nuk diskutohet sot

TIRANE - Pas zgjedhjes së Ilir Metës në krye të Parlamentit, kreu i Delegacionit të BE-së ambasadori, Ettore Sequi deklaroi të martën se është e rëndësishme që klasa politike në Shqipëri të zbatojë rekomandimet e dhëna nga BE. I pyetur për faktin se Meta mori 91 vota në Kuvend kur maxhoranca numëron 83 deputetë, Sequi tha se, "besoj se ky është një sinjal i mirë, sidomos në sajë të asaj që tha edhe Meta që është i pranishëm bashkëpunimi mes maxhoranës dhe opozitës". Sequi nuk pranoi të komentonte emrat e ministrave të propozuar nga Partia Socialiste, Presidentit Nishani. "Sot jemi për të celebruar fillimin e Parlamentit, konkretisht zgjedhjen e Kryetarit të tij. Sa i përket përbërjes së qeverisë do të flasim në kohën e duhur", tha Sequi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin