09/09/2013 18:13:45

LSI mbledh grupin parlamentar

Meta: ''Ne shkojmë për herë të parë në Kuvendin e ri, për herë të parë pas 9 vitesh me një grup të konsiderueshëm parlamentar, që nuk është surprizë, por kompensim i mandateve''

TIRANË - Pak minuta përpara se të mblidhet Kuvendi i ri, Lëvizja Socialiste për Integrim zhvilloi mbledhjen e parë të grupit parlamentar të saj prej 16 deputetësh. Në fjalën e tij, Lideri i LSI-së, Ilir Meta tha se ky nuk është rezultat surprize, por vetëm një kompensim i mandateve të humbura në zgjedhjet e kaluara. "Ne shkojmë për herë të parë në Kuvendin e ri, për herë të parë pas 9 vitesh me një grup të konsiderueshëm parlamentar, që nuk është surprizë, por kompensim i mandateve që kemi humbur në zgjedhjet e kaluara", deklaroi ai. Më tej, Meta theksoi se "unë besoj tek cilësia e përfaqësimit, tek integriteti i të gjithë juve e mbi të gjitha, te qëllimi ynë mjaft pozitiv për të ecur më shpejt duke respektuar parimet demokratike, e në rradhë të parë atë të gjithë përfshirjes". Në përfundim LSI ka zgjedhur edhe kreun e grupit parlamentar, zotin Petrit Vasili. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin