09/09/2013 18:11:15

Fillon puna e Legjislaturës së VIII-të

Deputetët e rinj po mbërrijnë në mjediset e selisë së parlamentit shqiptar dhe bashkë me ta dhe zyrtarë të lartë të vendit

TIRANË - Kuvendi i ri i Shqipërisë, i dalë nga zgjedhjet parlamentare të 23 qershorit, pritet të nisë pasditen e së hënës (ora18:00) punimet e Legjislaturës së VIII-të. Deputetët e rinj po mbërrijnë në mjediset e selisë së parlamentit shqiptar dhe bashkë me ta dhe zyrtarë të lartë të vendit, përfaqësues të trupit diplomatik, të komuniteteve fetare etj. Punimet e Kuvendit pritet t'i hapë deputeti më i vjetër në sallë, Namik Dokle. Seanca e parë parlamentare pritet të shqyrtojë sot procedurën e verifikimit të mandateve të deputetëve të zgjedhur, që kryhet nga Komisioni i Përkohshëm për Verifikimin e Mandateve të anëtarëve të Kuvendit, i cili pasi shqyrton dokumentacionin përkatës të zgjedhjeve, brenda 2 ditëve i paraqet Kuvendit në seancë plenare raportin për vlefshmërinë e mandateve të deputetëve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin