07/09/2013 17:04:09

Tiranë: nisin punimet për Bulevardin e ri

Nisja e punimeve për bulevardin e ri i hap rrugë gjenerimit të mijëra vendeve të reja të punës për kryeqytetasit

TIRANË - Kryebashkiaku i Tiranës, Lulzim Basha, përuroi të shtunën nisjen e punimeve të projektit të Bulevardi të ri të Tiranës, të cilin e cilësoi si një projekt ambicioz për transformimin e kryeqytetit drejt modernizimit të tij. Sipas Bashës, nisja e punimeve për bulevardin e ri i hap rrugë gjenerimit të mijëra vendeve të reja të punës për kryeqytetasit. "Sot jemi dëshmitarë të nisjes së transformimit më të madh. Fillimi i punimeve për bulevardin është një ditë historike, se kryeqyteti ynë rritet, fiton një gjymtyrë të re, thyen kufijtë dhe merr frymë lirisht. Sot po hapim një korridor të ri zhvillimi për Tiranën, një korridor punësimi, hapësirë të re gjelbërimi”, tha kryebashkiaku. Bulevardi i ri i Tiranës është projekti më i rëndësishëm i 70 viteve të fundit për kryeqytetin. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin