06/09/2013 14:43:17

Aferdita Beqiri në gjyq me motrën e ministres së integrimit në Itali

Sherri mes komshive. Kapya Kyenge kërcënoi komshinë ''i kam krahët e mbuluar''

ROME - Eshtë në telashe me drejtësinë e motra e ministres së integrimit në Itali Cecile Kyenge. Kapya "Dora" Kyenge, 46, doli sot para Gjykatësit të Paqes në Pesaro, pasi akuzohej se kishte rrahur dhe fyer fqinjën e vet, Aferdita Beqiri. Kjo e fundit kishte bërë denoncim në polici dhe sot u mbajt seanca e parë.

Ngjarja kishte filluar më 18 Prill kur gruaja shqiptare, kishte marrë mjekim në urgjencë për plagë në trup dhe një muaj më pas kishte denoncuar fqinjën për kërcënimet që i kishte bërë. "I kam shpatullat e mbuluara, pasi motra ime është në Parlament", kishte thënë Dora.

Shkak i grindjes ishte bërë një biçikletë, të cilën fqinja shqiptare e kishte mbështetur tek muri i komshisë. Ngjarja ka bërë bujë në mediat italiane. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin